8 июль - Бөтенроссия гаилә, мәхәббәт һәм тугрылык көне буларак билгеләп үтелә. Бәйрәмнең символы булып ромашка чәчәге тора. Нәкъ менә әлеге ак таҗлы чәчәкләр гаиләдә бер-береңә булган мәхәббәтне, аклыкны, пакълыкны сурәтли. Шул бәйрәм уңаеннан авылыбызның матур парлары Сәгыйр абый һәм Язилә апа Гобәйдуллиннарны 60 ел бергә тату гаилә булып гомер итүләре белән котлыйбыз! Аларга тигез картлык, сәламәтлек, балаларының һәм оныкларының кадер - хөрмәтен тоеп куанып яшәүләрен телибез.