19 нчы август көнне "Авыл бәйрәме"үткәрдек. Авыл кешеләре җыелып яраткан җырларын җырладылар, биеделәр,үткәннәрне сөйләшеп утырып вакыт үткәнен дә сизмәгәнбез. Бу бәйрәм, барыннан да элек, авылда яшәүчеләрнең аралашуы һәм берләшүе өчен кирәк. - Һәркемнең үз йорты бар, ә авыл – ул безнең уртак йортыбыз. Безнең авылда күптән бер-берсен белгән, шатлык-куанычларны бергә кичергән яхшы кешеләр яши.Алдагы көннәрдә дә шушылай бергәләшеп яшәргә язсын.Бик күңелле кичә булды,килгән барча авылдашларыма да бик зур рәхмәт!