31 май көнне район мәдәният йорты һәм китапханә хезмәткәрләре Үзәк һәм Кече базарлардан Сабантуй бүләкләре җыюны оештырды. Бүләк җыючыларның милли киемнәре, гармунга кушылып башкарган җырлары беркемне дә битараф калдырмады. Сәүдә нокталарында торучы һәр сатучы бәйрәмгә үзеннән өлеш кертеп, Сабантуйга бүләкләр бирде, бүләк җыючыларга кушылып җырлады, биеде, изге теләкләрен җиткерде.