18 ноябрь көнне Район мәдәният йортында авыл мәдәният йортлары һәм клублары хезмәткәрләренең киңәшмәсе узды. Киңәшмәдә Сарман муниципаль районы Башкарма комитеты урынбасары Сәхипова Индира Рәис кызы, Татарстан Республикасы гадәттән тыш хәлләр министрлыгының Сарман муниципаль районы буенча гражданнар оборонасы һәм реальләштерү бүлегенең әйдәп баручы консультанты Гайнемов Руслан Мәүлет улы, Россия гадәттән тыш хәлләр министрлыгының Мөслим һәм Сарман муниципаль районнары буенча районара күзәтчелек хезмәте һәм профилактика эшләре буенча дәүләт инспекторы Гарипов Рөстәм Габделхәй улы, мәдәният бүлеге җитәкчесе Латыпова Голназ Гильус кызы чыгыш ясадылар. Киңәшмәнең икенче олешендә үзәкләштерелгән клублар берләшмәсе директоры Галиева Голюсә Әсхәт кызы, кадрлар бүлеге инспекторы Вагизова Голназ Наил кызы оештыру мәсьәләләре буенча сөйләделәр. Киңәшмә ахырында конкурсларда җиңүчеләргә Мактау грамоталары һәм дипломнар тапшырылды.