1 нче октябрь көнне, Каташ-Каран мәдәният йортында, өлкәннәр көне уңаеннан, «Ягез әле, әбиләр» дип исемләнгән бәйге-тамаша үткәрелде. Бәйгедә катнашучылар иң элек үзләре белән таныштырдылар, иҗат чыгышларын, кул эшләрен күрсәттеләр. Шулай ук өй эше итеп бирелгән биремгә, «Телеңне йотма» бәйгесенә тәмле-тәмле ризыклар пешереп алып килделәр. Шул ризыкларны пешерү серләре белән бүлештеләр. Бәйгедә катнашучыларга грамоталар тапшырылды. Бәйрәм чәй табыны артында дәвам итте.