10 февраль көнне Иске Әлмәт мәдәният йортында «Балкыш» республика ветераннар фестиваленең район сайлап алу этабы булып узды. Катнашучылар Туган якка һәм Ватанга мәхәббәтне данлаучы патриотик номерлар һәм әсәрләр башкарып, үзләренең осталыкларын күрсәттеләр. Аларның чыгышлары күңелгә ятышлы һәм ихлас күңелдән бирелеп, тамашачыларның ихтирамын һәм симпатиясен яулады. Фестивальне башкаручыларга һәм оештыручыларга Сарман районының мәдәни мохитен үстерүгә керткән зур өлешләре өчен чын күңелдән рәхмәт белдерәбез. Мондый чаралар яшь буынга бай мәдәни мирасыбызны саклап калырга һәм тапшырырга ярдәм итә. Иҗат безнең йөрәкләрне берләштерә, тормышыбызны матурлык һәм гармония белән тутыра. Ул безне илһамландырсын һәм сөендерсен!